എന്റെ കഥ

എന്റെ പ്രിയ സുഹൃത്ത്‌ അരുണ്‍ ജി നായര്‍ ന്റെ കഥ

എനിക്ക് ആദ്യം ആയി ഒരു പെണ്‍ക്കുട്ടിയോട് ഇഷ്ടം തോന്നുന്നത് 4 -ക്ലാസ്സില്‍ പഠിക്കുമ്പോള്‍ ആണ് .അവളുടെ പേര്,(അല്ലേല്‍ വേണ്ട ഇപ്പോള്‍ നല്ല രീതിയില്‍ കുടുംബ ജീവിതം നയിക്കുന്ന അവളുടെ ജീവിതത്തില്‍ വീണ്ടും ഞാന്‍ ആയിട്ടു കറ പുരട്ടുന്നില്ല)തല്ക്കാലം നിങ്ങള്‍ ഇഷ്ടം ഉള്ള പേര് അവളെ വിളിച്ചു കൊള്ളൂ. അവളുടെ ആ കുട്ടിത്തംവിട്ടുമാറാത്ത മുഖം,കണ്ണുകള്‍ ,ചിരി ഇതോക്കെ ആയിരുന്നു എന്നെ അവളിലേക്ക്‌ അടുപ്പിച്ചത്.അവള്‍ക്കും എന്നോടെ വലിയ കാര്യം ആയിരുന്നു ഞങ്ങള്‍ രണ്ടാളും കൂടി ഒരുമിച്ചു ആയിരുന്നു സ്കൂളിലേക്ക് പോകുന്നതും വരുന്നതും. അവളുടെ വീട് കഴിഞ്ഞാണ്‌ എന്റെ വീടിലേക്ക്‌ പോകുന്നത് രാവിലെ ഞാന്‍ സ്കൂളിലേക്ക് പോകാന്‍ ചെല്ലുന്നത് വരെ വീടിന്‍റെ വാതിലില്‍ എന്നെയും കാത്തു നില്‍ക്കും.അങ്ങനെ 4-ക്ലാസ്സ്‌ കഴിഞ്ഞു ഞങ്ങള്‍ രണ്ടും പിരിഞ്ഞു.2 സ്കൂളുകളില്‍, പിന്നെ ഞങ്ങള്‍ തമ്മില്‍ കാണുമായിരുന്നു വല്ലപോളും എവിടെ എങ്കിലും വെച്ച് അവിചാരിതമായി, പക്ഷെ ഒന്നും സംസാരിച്ചിരുന്നില്ല.ഒരു ചിരി അത്ര മാത്രം.
അതിനു ശേഷം 8 ക്ലാസ്സില്‍ വെച്ചാണ്‌ അവളെ വീണ്ടും കാണുന്നത് ,കണ്ടതും അവള്‍ ഓടി എന്റെ അടുത്തു വന്നു,കുറെ സംസാരിച്ചു. ഞാനും ആ സ്കൂളില്‍ ആദ്യം ആയാണ് ,അവളുടെ അമ്മ അവളോടെ പറഞ്ഞു മോള്‍ പേടിക്കേണ്ട ചന്തു ഉണ്ടല്ലോ മോള്‍ക്ക് കൂട്ടിനു എന്ന് (കൂട്ടുകാര്‍ക്കും വീട്ടുകാര്‍ക്കും ഇടയില്‍ എനിക്ക് ചന്തു എന്ന് ഒരു പേര് കൂടി ഉണ്ട് ). പിന്നീട് വീണ്ടും ഞങ്ങള്‍
ഒരുമിച്ചായി പോക്കും വരവും എല്ലാം,അതിനിടക്ക് 14 ചോരത്തിളപ്പ് എന്നിലേക്കും വന്നു,അല്‍പം പോടീ മീശയും.പ്രേമം അതെന്താണെന്ന് പോലും അറിയില്ലായിരുന്നു എന്നിട്ടും എന്തോ മനസ്സില്‍ ഒരിഷ്ടം,ഞാന്‍ അത് അവളോടെ പറഞ്ഞു,കുറച്ചു പേടിയോടെ ആണെങ്കിലും."എനിക്ക് ഇഷ്ടം ആണ് എന്ന്,നിനക്ക് എന്നെ ഇഷ്ടം ആണോ????"
അവള്‍ക്കു ആലോചിക്കണ്ടി വന്നില്ല അത്രയ്ക്ക് ഇഷ്ടമായിരുന്നു എന്നെ .എന്റെ അറിവില്ലായ്മ കൊണ്ട് ഞാന്‍ അത് എന്‍റെ കൂട്ടുകരോടെ പറഞ്ഞു.ആദ്യം ആയി ഞാന്‍ അവള്‍ക്ക് ഒരു പ്രേമലേഖനം എഴിതി എന്തൊക്കെയോ??അവള്‍ അതിനു മറുപടിയും തന്നു..

അങ്ങനെ മാസങ്ങള്‍ കടന്നു പോയികൊണ്ടേ ഇരുന്നു ,അതിനിടക്ക് ഈ കാര്യം ക്ലാസ്സിലെ ഒട്ടുമിക്ക കൂട്ടുകാരും അറിഞ്ഞു.ഓരോ പരീക്ഷകള്‍ കഴിയുമ്പോളും മാര്‍ക്ക്‌ കുറഞ്ഞു കുറഞ്ഞു വരുന്നു.വീടുകാരുടെ വഴക്ക് ഒരു വശത്ത്.അകെ ഒന്നിലും ശ്രദ്ധിക്കാന്‍ പറ്റാതിരുന്ന സമയം.കഷ്ട കാലം വേറെ ഒരു പെണ്ണിന്റെ രൂപത്തില്‍ അവതരിച്ചു ,അവള്‍ ഈ കാര്യം എന്‍റെ ചേച്ചിയോടെ പറഞ്ഞു ,(സ്വന്തം ചേച്ചി അല്ല ,ഒരു കസിന്‍ ,അവള്‍ക്ക് പ്രേമം എന്ന് കേള്‍ക്കുന്നത്തെ എന്തോ വലിയ അലെര്‍ജി ,ആയിരുന്നു പിന്നീട് 6 വര്‍ഷങ്ങള്‍ക്കു ശേഷം അവള്‍ വരെ ഒരാളെ പ്രേമിച്ചു അയാള്‍ക്കൊപ്പം ഒളിച്ചോടി അത് വേറെ കഥ ) അവള്‍ ഞങളെ 2 ആളേം കയ്യോടെ പിടികൂടി ആവശ്യത്തിനു വഴക്ക് പറഞ്ഞു.ആ നിമിഷം അവളുടെ മുന്നില്‍ വെച്ച് 2 പേരെ കൊണ്ടും സത്യം ചെയ്യിച്ചു ഇനി ഇങ്ങനെ ഒന്നും ചെയ്യില്ല എന്ന്,അഥവാ ചെയ്താല്‍ വീട്ടില്‍ പറയും എന്ന് ,വീട്ടില്‍ പറഞ്ഞാല്‍ ഉണ്ടാകുന്ന പ്രശ്നങ്ങള്‍ അറിയാവുന്നതു കൊണ്ട് ഞാന്‍ അപോലെ വലിഞ്ഞു ,അവള്‍ കുറെ കരഞ്ഞു എല്ലാത്തിനും ചേച്ചിയോട് ക്ഷേമയും പറഞ്ഞു.

പിന്നേം മാസങ്ങള്‍ കടന്നു പോയി 2 പേരും കണ്ടാല്‍ പരസ്പരം മിണ്ടില്ല അങ്ങനെ ഒരു അവസ്ഥയില്‍ എത്തി കാര്യങ്ങള്‍,കുറച്ചു നാള്‍ കൂടി കഴിഞ്ഞപ്പോള്‍ എല്ലാം മറന്നു ,അങ്ങനെ ഞങ്ങള്‍ 10 ല്‍ എത്തി. അവള്‍ ഇതിനടയില്‍ വേറെ ഒരു പയ്യനും ആയി ഇഷ്ടത്തില്‍ ആയി ആ വാര്‍ത്ത‍ കേട്ടപ്പോള്‍ എന്തോ എനിക്ക് വല്ലാത്ത ഒരു വിഷമം വന്നു .എനിക്ക് എന്തോ അവളെ കാണുമ്പോള്‍ ഫേസ് ചെയ്യാന്‍ ബുദ്ധിമുട്ടായി ,ക്ലാസ്സില്‍ വെച്ച് പോലും പരസപരം കണ്ടാല്‍ നോക്കില്ല എന്ന അവസ്ഥയായി.

ഞാന്‍ വീണ്ടും പഴയ അരുണ്‍ ആയി ,എല്ലാവരുടേം പ്രിയപ്പെട്ട അരുണ്‍ ,ക്ലാസ്സിലും കൂട്ടുകാര്‍ക്കിടയിലും.അങ്ങനെ SSLC പരീക്ഷ കഴിഞ്ഞു ,റിസള്‍ട്ട്‌ വന്നു അവള്‍ തോറ്റു,കുറെ നാളുകള്‍ക്കു ശേഷം കുടുംബ ഭാരവും ഏറ്റെടുത്ത് ഗള്‍ഫിലേക്ക് യാത്രയ്ക്കു ഒരുങ്ങുമ്പോള്‍ ഒരു വൈകുന്നേരം ഞാന്‍ അവളെ കാണാന്‍ വേണ്ടി വീട്ടില്‍ ചെന്ന്,യാത്ര പറഞ്ഞു പിരിഞ്ഞു നീണ്ട 5 വര്‍ഷങ്ങള്‍ക്ക്‌ ശേഷം ഞങ്ങള്‍ മിണ്ടി,പഴയ ആ സൌഹൃതം ആ ശബ്ദത്തില്‍ ഇല്ലായിരുന്നു.എങ്കിലും ഞാന്‍ തിരിച്ചു അവളുടെ വീടിന്റെ മതില്‍ കടക്കുമ്പോള്‍ ഒന്ന് തിരിഞ്ഞു നോക്കി പക്ഷെ അവളെ ആ വാതിലില്‍ കണ്ടില്ല.1 വര്‍ഷം മുന്നേ അവളുടെ കല്യാണം നടന്നു.......

അരുണ്‍ ജി നായര്‍