നായാട്ട്

"എടാ കുംഭ കര്‍ണ്ണാ എണീക്കടാ, നീ കണ്ടില്ലേ സ്കൂളിനകത്തെക്ക് ആള്‍ക്കാരൊക്കെ കേറി ഓടുന്നു"
രാവിലെ അമ്മ വിളിക്കുന്നത്‌ കേട്ടാണ് കണ്ണ് തുറന്നു നോക്കിയത് ..........
അത് പോലീസില്‍ ജോലി കിട്ടും എന്നും പറങ്ങു ആ ഒണക്ക അഭിലാഷും കൂട്ടരും ആണമ്മാ ഓടുന്നത് .............
"എടാ വെടക്ക് മണ്ടൂസ്സാ പകല്‍ പതിനൊന്നു മണിക്ക് ആന്നോടാ ?? അവന്മാര്‍ ഓടുന്നത്, അവനൊക്കെ രാവിലെ ഓടീട്ട് പോയി"
"എന്നാ ആരേലും വെള്ളമടിച്ചു കാണും ഉച്ചക്ക്....!! അതിന്റെ പിടുത്തം വിടാന്‍ വേണ്ടി ഓടുന്നതാ" ....
"ആണോ, ഓടിയാല്‍ പിടുത്തം മാറുമോ, എന്നാ നീ എന്താടാ ഇത് നേരത്തെ പറയാതെ ഇരുന്നത്??, നിന്റെ അപ്പനെ ഞാന്‍ രാത്രി രണ്ടു റൗണ്ട്‌ ഓടിച്ചനേല്ലേ"............
"അതെങ്ങനെ അപ്പനെ ഓടിക്കുന്നത് ???അപ്പന്‍ അടിച്ചാല്‍ ഒടനെ ഫ്ലാറ്റ് അല്ലെ"
"അപ്പന്‍ ഇവിടെ ഫ്ലാറ്റ് ആവശ്യം പോലെ വേടിക്കുന്നത് കൊണ്ടല്ലേ ഞാന്‍ ഐഡിയ സ്റ്റാര്‍ സിങ്ങറില്‍ പാടാന്‍ പോകാത്തത്"
അപ്പനെ പറഞ്ഞത് കൊണ്ടാകും അമ്മക്ക് ദേഷ്യം വന്നു ........
"രാവിലെ കിടന്നു ചെലക്കാതെ എണീറ്റ്‌ പോയി നോക്കടാ!!!..............എന്തിനാ ആള്‍ക്കാരൊക്കെ ഓടുന്നതെന്ന്?? "

"സമ്മധിക്കത്തില്ല ഈ തള്ള,........... ഭഗവാനെ ഈ "$^&$^%*&@മാരൊക്കെ" ഇതിലെ കൂടെ ഓടുന്നത് എന്നാത്തിനാ? ...............
വേറെ എത്രയോ വഴികള്‍ കിടക്കുന്നു സ്കൂളിനകത്ത് കേറാന്‍ ? ...........
പണ്ടേ ഞാന്‍ പറഞ്ഞതാ ഈ സ്കൂളിനടുത്ത് വീട് വയ്ക്കണ്ട, അത് നമുക്ക് പാര ആകും എന്ന്"

പണ്ട് പലപ്പോളും സ്കൂളിന് അടുത്ത് വീട് ആയതു കൊണ്ട് എനിക്ക് പലതും സഹിക്കേണ്ടി വന്നിട്ടുണ്ട്, ഒരു ദിവസം പോലും സ്കൂളില്‍ പോകാതെ കള്ളമടിച്ചു വീട്ടില്‍ നില്‍ക്കാന്‍ ഒക്കില്ല?
പെണ്‍കുട്ടികളെ കമന്റ്‌ പറയാന്‍ ഒക്കില്ല (പറഞ്ഞപ്പോള്‍ എല്ലാം അവര്‍ ഓടി വന്നു അമ്മയോട് തന്നെ പറഞ്ഞു കൊടുത്തു) അങ്ങനെ പലതും .......

പക്ഷെ ഗുണങ്ങളും ഉണ്ടായിട്ടുണ്ട് , ഓരോ പ്രാവശ്യം ഇന്റര്‍വെല്‍ വിടുന്ന സമയത്ത് വീട്ടില്‍ വന്നു പഴങ്ങഞ്ഞി കുടിക്കുക്ക!!!!!!!,
ഏതേലും പിള്ളേരെ അടിച്ചിട്ട് ഓടി പോയി വീട്ടിനകത്ത് ഇരിക്കുക അങ്ങനെ ഒക്കെ ഉള്ള കലാ പരിപാടികള്‍ ...................

"സര്‍ക്കാരിനു അപേക്ഷ കൊടുത്തു ഈ സ്കൂള്‍ ഇവിടുന്നു മാറ്റിക്കണം"!!!!!............
അത് കേട്ടിട്ടാകണം അമ്മ പറഞ്ഞു
"കൊണ്ട് ചെല്ല് അവര്‍ നമ്മുടെ വീട് ഇവിടുന്നു മാറ്റിക്കും................."

എന്തായാലും വഴിയെ പോകുന്ന ഒരു പയ്യന്‍ എന്നോടെന്നോണം വിളിച്ചു പറഞ്ഞു
"അണ്ണാ സ്കൂളില്‍ ഏതോ ഒരു ജീവി പ്രസവിച്ചു കിടക്കുന്നു, കുട്ടികളൊക്കെ കുറെ ഉണ്ട് ......ആള്‍ക്കാരൊക്കെ അതിനെ പിടിക്കാന്‍ ശ്രമിക്കുക ആണ് പക്ഷെ അത് തട്ടിന്റെ ഉള്ളില്‍ ആണ്"

ഇത് കേട്ട അമ്മ പറഞ്ഞു, എടാ പൂത്തക്കൊട,!!! ഞാന്‍ അപ്പോളെ പറഞ്ഞില്ലേ എന്തോ ഉണ്ട് എന്ന്
"അത് അമ്മാ, വല്ല ഒട്ടത്തികളും പെറ്റു കിടക്കുന്നതാകും, കുപ്പിയും പാട്ടയും ഒക്കെ പറക്കാന്‍ വരുന്ന ഒട്ടത്തികള്‍ സ്കൂളിന് അകത്ത് ആണ് കിടക്കുന്നത്"

എന്റെ മടി പിടിച്ച വര്‍ത്താനം കേട്ടിട്ട് അമ്മ പറഞ്ഞു
"നീ ഒരു കാലത്തും നന്നാകില്ലടാ നീ ഇങ്ങനെ ഇരുന്നോ ഇവിടെ"!!!.. ( ഇത് ഇടയ്ക്കിടയ്ക്ക് ഞാന്‍ കേള്‍ക്കുന്നത് കൊണ്ട് വലിയ അത്ഭുതം ഒന്നും തോന്നീല്ല )
എന്തായാലും പോയി നോക്കി കളയാം ...പക്ഷെ അപ്പോളാണ് അടുത്ത പ്രശനം
സ്കൂളിനകത്ത് കേറാന്‍ ഉടുപ്പും മുണ്ടും ഒന്നും കഴുകി ഇട്ടിട്ടില്ല ...........

"അമ്മാ എന്റെ തുണികള്‍ എല്ലാം അഴുക്കാണ്, ഞാന്‍ പോകുന്നില്ല"
അമ്മക്ക് ദേഷ്യം വന്നു ........
"പിന്നെ നീ അതിനകത്ത്‌ 'ഫാഷന്‍ ഷോക്ക്' പോകുക അല്ലെ?? ഒള്ളതൊക്കെ മതി "
കയ്യില്‍ കിട്ടിയതൊക്കെ എടുത്തിട്ട് ഞാനും ഓടി, സ്കൂളിനകത്തെക്ക് .............

ചെന്നപ്പോള്‍ സംഗതി സത്യമാണ് ........
നാട്ടിലെ തൊഴില്‍ ഇല്ലാത്ത ചെറുപ്പക്കാര്‍ എല്ലാം അവിടെ ഉണ്ട് ..............
(സ്കൂളിനകത്ത് കേറി പെണ്‍കുട്ടികളെ കാണാനും. ഒത്താല്‍ പേരൊക്കെ ഒന്ന് ചോദിക്കാനും ചിലര്‍ക്ക് ഒരു പടി കൂടി കടന്നു ഫോണ്‍ നമ്പര്‍ ഒക്കെ ഒന്ന് വേടിക്കാനും പറ്റിയ സമയമല്ലേ, ആരും വെറുതെ കളയുന്നില്ല)

അമ്മക്ക് പ്രസവ വേദന മോള്‍ക്ക്‌ ഗെയിം കളി എന്ന് പറഞ്ഞ പോലെ ആണ് കാര്യങ്ങള്‍ .......
അവിടെ തട്ടിന്റെ മണ്ടേല്‍ ഏതോ ഒരു ജീവി പെറ്റു കുട്ടികളും ആയി ജീവിതം ഒരു കരപിടിപ്പിക്കാന്‍ നോക്കുന്നു, കുറെ ആള്‍ക്കാര്‍ അത് എന്താ എന്ന് കണ്ടു പിടിക്കാന്‍ തന്ത്രങ്ങള്‍ മെനയുന്നു, അപ്പോളാണ് കുറെ എണ്ണം പെണ്‍കുട്ടികളുടെ പുറകെ നടക്കുന്നു ...........

P.T.A എന്ന് പറയുന്ന സ്കൂളിന്റെ സര്‍വ്വ അധിപന്മാരില്‍ ചിലര്‍ അവിടേം ഇവിടേം ഒക്കെ മാറി നിന്ന് ഗൂഡമായി എന്തൊക്കെയോ ആലോചിക്കുന്നുണ്ട് ............

എനിക്ക് പലപ്പോളും തോന്നീട്ടുണ്ട്, പണ്ട് പഠിക്കുന്ന സമയത്ത് പള്ളിക്കൂടത്തില്‍ പോലും കേറാതെ അന്ന് പഠിപ്പിച്ച സാറന്മാരെ ഓടിച്ചിട്ട്‌ തെറി വിളിച്ചോണ്ട് നടന്നിരുന്ന കുറെ അവന്മാര്‍ കല്യാണം കഴിച്ചു അവന്റെ ഒക്കെ പെണ്ണുമ്പിള്ള മാര്‍ പെറ്റു കൊച്ചുങ്ങള്‍ വളര്‍ന്നു സ്കൂളില്‍ ചേര്‍ക്കാം എന്ന് ആയപ്പോള്‍ ഓടി കൊണ്ട് വന്നു സ്കൂളില്‍ ചേര്‍ത്ത്.....
കൊച്ചിനെ ചേര്‍ക്കുന്നതിനു മുന്നേ എന്നെ കൂടെ ഈ പറഞ്ഞ PTA എന്നാ സാധനത്തില്‍ ചേര്‍ക്കണം എന്നും പറഞ്ഞു നില്‍ക്കുന്ന കുറെ ആള്‍ക്കാര്‍ ഉണ്ട്, ..,.........

നില്‍പ്പ് കണ്ടാല്‍ തോന്നും പെണ്ണുമ്പിള്ള പെറ്റത് PTA യില്‍ ചേര്‍ക്കാന്‍ വേണ്ടി ആണ് എന്ന് ....
എന്തൊക്കെ ആയാലും ഇവര്‍ക്കൊക്കെ നാണക്കേട്‌ ഉണ്ടാക്കാന്‍ കുറെ നല്ല PTA ക്കാരും ഉണ്ട്........
മക്കള് സ്കൂളിന്നു ഇറങ്ങിയത്‌ കൊണ്ട് ചില മീശ പിരുപ്പന്മാരോക്കെ മക്കളെ പെട്ടന്ന് പെണ്ണുകെട്ടിച്ചു.........
"കൊച്ചു മക്കളെ ഉണ്ടാക്കിനടാ" എന്നും പറഞ്ഞു നടക്കുന്നു എന്ന് ആണ് അവിടുത്തെ ഒരു പൊതു സംസാരം, കാരണം ആ കുട്ടികളെ എങ്കിലും മുത്തശന്‍ ചേര്‍ത്തു എന്ന പേരില്‍ സ്കൂളില്‍ ചേര്‍ത്ത് പഴയ സിംഹാസനം തിരികെ പിടിക്കാം എന്ന് ആണ് പലരേം മോഹം ............

"നീ എന്നതാടാ ആലോചിക്കുന്ന, നീ വീട്ടില്‍ പോയി ബൈക്ക് എടുത്തോണ്ട് വാ നമുക്ക് നാസറിനെ പോയി വിളിച്ചോണ്ട് വരാം, കുട്ടള നാസര്‍ വന്നാലെ ഇതിനെ പിടിക്കാന്‍ ഒക്കു".........
സജിലാല്‍ അണ്ണന്‍ പറയുന്നത് കേട്ടാണ്‌ എനിക്ക് പെട്ടന്ന് സ്ഥലകാല ബോധം വന്നത്............
വീട്ടില്‍ പോയി വണ്ടീം എടുത്തു കുട്ടള നാസറിന്റെ വീട്ടില്‍ ചെന്നപ്പോള്‍ അവന്‍ എന്നെ പോലെ തന്നെ .........................
"ഒച്ച്‌ കിടക്കുന്നത് പോലെ ചുരുണ്ടു മൂടി കിടന്നു ഉറങ്ങുന്നു"............
"ഡാ നാസ്സാരെ , എണീക്കടാ സ്കൂളിനകത്ത് ഏതോ ജീവി, സജി ലാല്‍ അണ്ണന്‍ നിന്നെ വിളിച്ചോണ്ട് ചെല്ലാന്‍ പറഞ്ഞു"
"പോടാ സജിലാലിനു ഇന്നലത്തെ പിടുത്തം വിട്ടു കാണൂല്ല, അവനു തോന്നുന്നതാ".........
"എടാ കോപ്പാ അല്ലടാ, ഞാന്‍ പോയി കണ്ടു"
"ഓഹോ ഇന്നലെ നീയും അടിച്ചോ, നിനക്കൊക്കെ വട്ടയോടാ ???............. സ്കൂളിനകത്ത് ജീവി പോലും, എന്നെ ഉറങ്ങാന്‍ സമ്മധിക്കില്ലേ നീയൊന്നും?? "............
"എടാ അല്ലടാ സത്യമാ, ഞാന്‍ കണ്ടതാ!!! പിടിച്ചു കൊടുത്താല്‍ പയിസ തരാമെന്നു ആണ് സ്കൂളിലെ ആള്‍ക്കാര്‍ പറയുന്നത് ..............."
"പയിസ കിട്ടും എന്ന് അറിഞ്ഞപ്പോള്‍ നാസറിന് ഉന്മേഷം വന്നു "............
ഇരുന്നോണ്ട് ഒരു ബീഡി കത്തിച്ചു .............എണീക്കാന്‍ നോക്കി ............
"ആയോ മുണ്ട് ഉടുത്തിട്ട് എണീക്കടാ"....ഞാന്‍ കണ്ണ് പൊത്തി കൊണ്ട് വിളിച്ചു പറഞ്ഞു ................
"മുണ്ട് ഇന്നലെ വരുന്ന വഴിക്ക് എവിടെയോ പോയെടാ ............"

എന്തായാലും നാസറും ആയി സ്കൂളില്‍ എത്തി
അപ്പോളേക്കും സതീശനും, നാണുവും, മുള്ളറും, എല്ലാവരും എത്തിയിരുന്നു ................
നാസര്‍ അതിനടുത്തേക്ക് ചെന്ന് .............വാല് മാത്രം കാണാം................
സൗണ്ട് കേള്‍ക്കുന്നുണ്ട്‌..........!!!! കൊച്ചുങ്ങളെ കരച്ചിലും കേള്‍ക്കാം ...............
നാസറും സതീശനും കൂടി കാണാന്‍ ഒക്കുന്ന ഒരു സ്ഥലത്ത് കേറി നോക്കി ................
സംഗതി കാര്യം അവര്‍ക്ക് മനസ്സിലായി ............

താഴെ ഇറങ്ങി വന്നു ..............എന്നോട് സതീശന്‍ രഹസ്യം ആയി പറഞ്ഞു
"എടാ പോയി ഒരു കിലോ മുളക് പൊടി, അര കിലോ മല്ലി പൊടി, അര കിലോ എണ്ണ എന്നിവ വേടിച്ചു ബഷീര്‍ കാക്കയുടെ ചായ കടയില്‍ കൊണ്ട് കൊട്, അങ്ങേരെ കൂടെ പറ കടയില്‍ ഇന്ന് കച്ചവടം വേണ്ട കട അടക്കാന്‍, എന്നിട്ട് നീ പോയി ഒരു പത്തു ബിയറും വാങ്ങിക്ക്"

"ശെടാ അതിനെ പിടിക്കാന്‍ എന്നത്തിനാട മുളക് പൊടീം ബിയറും, അത് കുടിക്കാന്‍ കൊടുക്കാതെ ഇത് ഇറങ്ങി വരില്ലാന്ന് പറഞ്ഞോ???"
"അതിനു എന്തിനാ ബഷീര്‍ കാക്ക ചായ കട അടക്കുന്നത്, അങ്ങേരെ ആരേലും ആണോ ആ പെറ്റു കിടക്കുന്നത്"

"എടാ നീ പോയിട്ട് വാ അപ്പോളേക്കും കാര്യം പറയാം"............
എന്തായാലും ഞാന്‍ പോയി അവന്‍ പറഞ്ഞ പോലെ ചെയ്തു ..............
ഞാന്‍ തിരികെ വന്നപ്പോള്‍ നാസറും സാറന്മാരും തമ്മില്‍ തര്‍ക്കം നടക്കുന്നു ...........
"പയിസ തരാതെ ഞാന്‍ പിടിക്കില്ല !! പയിസ തരാം എന്ന് പറഞ്ഞു ആണ് എന്നെ വിളിച്ചോണ്ട് വന്നത്"......നാസര്‍ അറുത്തു മുറിച്ചു പറഞ്ഞു ............
"ഇങ്ങനെ ഒരു സാധനത്തിനെ പിടിക്കാന്‍ സര്‍ക്കരീന്നു പയിസ തരില്ല" .......സാറന്മാരും പറഞ്ഞു .....
പക്ഷെ അവസാനം നാസര്‍ തന്നെ ജയിച്ചു ............
ഒരെണ്ണത്തിനെ പിടിക്കുന്നതിനു നൂറു രൂപ കൊടുക്കാം എന്ന് സാറന്മാര്‍ സമ്മധിച്ചു ..........
ഒരെണ്ണത്തിനെ അല്ല പതിമൂന്നു എണ്ണത്തിനെ അന്ന് പിടിച്ചു ..................
ഇനിയും ഇഷ്ടം പോലെ ഉണ്ട് എന്നും അതിനെ വഴിയെ പിടിക്കാം എന്നും പറഞ്ഞു അന്നത്തെ നായാട്ടു നിര്‍ത്തി .............

പിടിച്ച സാധനത്തിനെ കണ്ടു പലരും ഞെട്ടി ..........കൂടെ ഞാനും ഞെട്ടി ...............
"അന്നേ വരെ ഞാന്‍ പടത്തില്‍ മാത്രം കണ്ടിട്ടുള്ള
"സാക്ഷാല്‍ ശ്രീമാന്‍ മരപ്പട്ടി""..........
എല്ലാത്തിനേം കറി വച്ചു .........പിടിച്ച പയിസക്ക് ചെന്നപ്പോള്‍ സാറന്മാര്‍ പറഞ്ഞു പയിസ തരണം എങ്കില്‍ മരപ്പട്ടിയുടെ വാല് കൊണ്ട് കൊടുക്കണം, അവര്‍ക്ക് സര്‍ക്കാരിനെ കാണിക്കാന്‍ ആണ്!.... എങ്കിലേ സര്‍ക്കാര്‍ പയിസ കൊടുക്കുക ഉള്ളു .............
അത് മാത്രമല്ല ബാക്കി ഉള്ളതിനെ കൂടെ ഇതേ റേറ്റ് വച്ചു പിടിക്കണം, അതും ശനി അല്ലങ്കില്‍ ഞായര്‍ ഈ ദിവസങ്ങളില്‍ പിടിച്ചാല്‍ മതി, തെളിവ് ആയി വാല് കൊടുത്താല്‍ മതി ............
പതിമൂന്നു വാല് കൊടുത്തു അപ്പോളത്തെ പയിസ ഏറ്റു വാങ്ങി ............ബാക്കി ഉള്ള വാലുകള്‍ പിടിക്കുന്ന മുറയ്ക്ക് എത്തിക്കാം എന്ന് വാക്ക് കൊടുത്തു ......................
"പിന്നെ ഒരു മാസക്കാലം നമുക്ക് ഓണമായിരുന്നു ആവശ്യത്തിനു പയിസ, നല്ല സൂപ്പര്‍ മരപ്പട്ടി കറി........................."


വാല്‍ക്കഷ്ണം: അവസാനം വന്നു വന്നു ആ നാട്ടിലെ സാധാരണ പട്ടികള്‍ക്കും വാല് ഇല്ലാതെ ആയി, എണ്ണം തികയ്ക്കാന്‍ വേണ്ടി ചാവാലി പട്ടികളെ വാല് കൂടി ഇതില്‍ കേറ്റി കൊടുക്കുന്നുണ്ടായിരുന്നു നാസ്സര്‍